Eisteddfod 2017
Cynhelir Eisteddfod Gadeiriol Aelhaearn nos Sadwrn, Tachwedd 25ain am 5 yr hwyr.
Derbynir rhoddion a.y.y.b tuag at costau yr Eisteddfod yn ddiolchgar gan Mary C Jones.
Bydd y rhaglenni ar gael erbyn yr Eisteddfod Genedlaethol yn Mon eleni.
Eisteddfod 2012
Cynhelir Eisteddfod Gadeiriol Aelhaearn eleni yng Nghanolfan y Babell, Llanaelhaearn, Prynhawn a Nos Sadwrn Tachwedd 24ain 2012.
Rhoddir y Gadair yn rhodd i’r Eisteddfod gan Deulu Isallt, Llanaelhaearn, er cof am eu Rhieni Morfudd a Bobi Jones.
Cenir Can y Gadeiriol gan Mr Dafydd Roberts, Tan yr Hafod, Llithfaen, a chennir y Corn Gwlad gan Rhys Evans, Y Ffôr a Gruffydd Davies, Chwilog.
Y Beirniaid eleni yw Cerdd a Cherdd Dant – Mr Geraint Roberts, Prestatyn; Llefaru – Mrs Angharad Llwyd, Bethesda; Llenyddiaeth – Miss Karen Owen, Penygroes a Celf a Chrefft ac Arlunio – Mrs Gwenda Williams, Llithfaen.
Y Cyfeilydd yw H. Alan Roberts, Borth y Gest, Porthmadog.
Rhoddir 4 Tlws fel a ganlyn :
Tlws Y Plant yn rhoddiedig gan Deulu Penllechog, Llanaelhaearn i’r Plentyn mwyaf addawol yng nghyfarof y prynhawn
Tlws yr Ifanc yn rhoddedig gan W.A a Sally Evans, Y Ffôr i’r perfformiwr mwyaf addawol dan 25 oed.
Tlws Llen yr Ifanc yn rhoddedig gan Mrs Gwyneth Jones, Mr Ioan Jones a Mrs Tanwen Lloyd, Caernarfon i’r Llenor neu’r Bardd mwyaf addawol dan 25 oed.
Tlws Coffa Elfyn (i’w dal am flwyddyn) yn rhoddedig gan Gweno a Emyr Parry, Caernarfon i’r Offerynnwr mwyaf addawol yr Eisteddfod.
Mae 2 Gwpan wedi eu derbyn gan Mrs Rose Williams, Pwllheli i’w dal am flwyddyn yn yr Adrannau Arlunio, Gwaith Llaw, Gwau, Gwnio a Chrosio. Bydd un gwpan yn Adran y Plant a’r Gwpan arall yn Adran yr Oedolion.
Diolchir hefyd i’r rhai ohonch sydd wedi cyfrannu rhoddion a chwpannau yn yr Adrannau Canu, Llefaru a Cherdd Dant.
Am fwy o wybodaeth cysylltwch a’r Trefnydd, Mary C. Jones, Merbwll Penlon Trefor (01286 660768).
Penblwydd Eisteddfod Gadeiriol Aelhaearn yn 20oed
Fe ddaethom yma i ddathlu
Penblwydd arbennig iawn,
Mae’n Steddfod ni’n bodoli
Ers ugain mlynedd lawn.
Cychwynwyd fel ‘Yr Antur’
Mewn ffydd a hyder, do,
I gynnal ein Diwylliant
A’n hiaith o fewn ein bro.
****************
Difater yw’r mwyafrif,
Mae felly ym mhob man.
Ond ‘chydig brwd sy’n gweithio
I’w chadw yn y Llan.
I Misus Jones o’r Tegfan
Sy’n selog wrth y llyw
Mae’r diolch am y llwyddiant,
A’r rhai fu iddi’n griw.
****************
Caf fi fel dynes ddiarth
Sydd newydd ddod i’m swydd
Ers tair neu bedair blynedd
Roi clod ar ben eich blwydd.
I Sydna, Mai a Gwenno
Fu am flynyddoedd maith
Yn swydd yr Ysgrifennydd
Mawr ddiolch am eich gwaith.
****************
A diolch i Mai hithau
Am aros yn y swydd,
Braf ydyw cael eich canmol
I gyd ar ddydd Penblwydd.
****************
Rhaid cofio’n siwr am Mary,
A’i gwaith yn cadw’r pwrs
A hel yr hysbysebion,
A’r Celf a Chrefft wrth sgwrs.
Nid yw hynny’n ddim ond hanner
Y gwaith mae Mary’n wneud,
‘Ry’m ni’n ei gwerthfawrogi,
A dyma’r siawns i ddweud
****************
Rhaid diolch am gyfraniad
Megan, Lilian, Mair
Sali, Gwenno, Sydna,
Mae pawb yn haeddu gair
O glod am eu ffyddlondeb
A’u parodrwydd hwy bob un
I weithio dros ein ‘Steddfod,
A hynny’n bur gytun.
****************
Ac wrth i mi ddymnuo
Dyfodol hir i’n Gwyl,
Diolchwn i’r dynion hwythau
Am uno yn yr hwyl,
A rhoddi pob cefnogaeth
I’r merched ym mhob modd,
Os daliwn i gyd ati
Cawn ‘Steddfod wrth ein bodd.
****************
Diolch dros y Merched
Wrth orffen hyn o gan
Am gael pwyllgora’n Nhegfan
Wrth danllwyth mawr o dan,
A gwn fod gwres y croeso
A gawson gennych chwi
Yn adlewyrch’n sicr
Ar barhad ein ;Steddfod ni.
****************
Morfudd Lloyd Jones